POP 5

Lajmet më të lexuara të 5 minutave të fundit

Kultura

‘Marie Kraja’ 20 vjet festival, 2 net spektakli në Opera me 16 zëra të rinj! Nga Elhaida Dani tek Eneda Tarifa, në duete emra të njohur të muzikës

Festivali “Marie Kraja” premton 2 net spektakël për publikun më 28 dhe 29 mars  në skenën e Teatrit të Operës. 16 këngëtarë lirikë janë në garë për çmimin e madh, ndërsa do të bëjnë duete edhe me 8 artistë të njohur të skenës shqiptare si Elhaida Dani, Venera Lumani apo Eneda Tarifa

Festivali Ndërkombëtar i Vokalit Operistik “Marie Kraja” shënon edicionin e 20-të.

Në Teatrin e Operas, ku publiku do të shijojë në datë 28 dhe 29 mars performancat, u bë këtë të martë prezantimi i programit e artistëve pjesëmarrës. Dy netët e spektaklit prezantohen nga sopranoja Enkeleda Kamani dhe gazetari Blendi Sala.

16 artistët konkurrentë janë përzgjedhur nga 250 këngëtarë nga e gjithë bota që aplikuan në fazën e parë. Në 27 mars, juria ndërkombëtare e kryesuar nga Cecilia Gasdia do të bëjë vlerësimin teknik të tyre.

Festivali i themeluar nga Zana Çela e nën drejtimin ekzekutiv të Klejvis Saliajt është kthyer tanimë në traditë, dhe urë lidhëse për këngëtarët drejt bashkëpunimeve të frytshme e skenave prestigjioze.

Do të dirigjojë Orkestrën e Radio Televizionit Shqiptar britaniku Martin Andre që është njëherazi edhe drejtuesi artistik.

16 këngëtarët lirikë do të vihen përballë njeri-tjetrit përmes arieve dhe këngëve. Gjatë natës së parë do të formojnë duete mes njëri-tjetrit ndërsa në finale, me këngëtarë të njohur të skenës vendase si Kamela Islamaj,  Elhaida Dani, Era Rusi, Kejsi Tola Enxhi Nasufi, Eneda Tarifa, Venera Lumani e Lind Islami.

Për t’i shtuar ngjyrat spektaklit, performancat e finalistëve do të komentohen nga mezzosopranoja Vikena Kamenica dhe gazetari Salaj.

Festivali “Marie Kraja” është bërë një trampolinë më shumë suksesi për artistët e rinj, siç janë edhe rastet e sopranos Enlekeda Kamani (2015)dhe baritonit italian Simone Piazzola (2019).

M.Q./A.D/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si e vlerësoni funksionimin e Gjykatave dhe Prokurorive në qarqe?

Lajme të tjera



×

Lajmi i fundit

Nënshtetësia e Kryepeshkopit të Kishës Ortodokse, Meta: E zgjidha në interes të dy vendeve! Është përdorur si një sajesë politike

Nënshtetësia e Kryepeshkopit të Kishës Ortodokse, Meta: E zgjidha në interes të dy vendeve! Është përdorur si një sajesë politike

27 Prill, 13:54